டெஸ்ட் போட்டியில் சாதனை படைக்க உள்ள விராட் கோலி… குவியும் பாராட்டுகள்..!

இந்திய அணியின் முன்னாள் கேப்டன் விராட் கோலி தனது 100-வது டெஸ்ட் போட்டியை நாளை இலங்கை அணிக்கு எதிராக விளையாட உள்ளார். இதனையடுத்து அவருக்கு இந்திய அணியின் முன்னாள் கிரிக்கெட் நட்சத்திரங்கள் பலரும் தங்களது வாழ்த்துக்களை தெரிவித்து வருகின்றனர். விராட் கோலியின் 100-வது சர்வதேச டெஸ்ட் போட்டியை முன்னிட்டு பிசிசிஐ சார்பில் விராட் கோலிக்கு சிறப்பு வீடியோ ஒன்றும் வெளியிடப்பட்டுள்ளது.

பிசிசிஐ சார்பில் வெளியிடப்பட்டுள்ள அந்த வீடியோவில் முன்னாள் கிரிக்கெட் வீரர்களான சச்சின் டெண்டுல்கர், ராகுல் டிராவிட், கங்குலி, சேவாக் உள்ளிட்டோர் விராட் கோலிக்கு வாழ்த்துகளை தெரிவித்துள்ளனர்.

வீடியோவில் பேசி இருக்கும் சச்சின், ஆஸ்திரேலிய தொடரில் விளையாடியபோது தான் விராட் கோலி குறித்து முதலில் கேள்விப்பட்டேன். அனைவரும் அப்போது விராட் கோலி பற்றியே பேசினர். 100-வது டெஸ்ட்க்கு வாழ்த்துகள். இளைஞர்களின் ரோல் மாடல் நீங்கள். உங்களை பார்த்து பலர் கிரிக்கெட் விளையாட வந்துள்ளனர். அதுவே உங்களின் பெரிய சாதனை என பாராட்டினார்.

கங்குலி பேசுகையில், விராட் கோலி 11ஆண்டுகளுக்கு முன் தனது கிரிக்கெட் வாழ்க்கையை ஜூனியர் கிரிக்கெட்டிலிருந்து தொடங்கி இன்று பெரும் சாதனையை படைக்க உள்ளார். அவரது பயணம் மகத்தானது. பிசிசிஐ சார்பாகவும், இந்திய அணியின் முன்னாள் கேப்டன் என்கிற முறையிலும் அவரை பாராட்டுகிறேன் எனக் கூறினார்.

ராகுல் டிராவிட் பாராட்டுகையில், இந்திய அணியை தனி ஆளாக தூக்கி நிறுத்தியவர் விராட் கோலி, கேப்டனாக 5, 6 ஆண்டுகள் சிறப்பாக செயல்பட்டுள்ளார். 100 டெஸ்ட் விளையாடி சராசரி 50க்கு மேல் வைத்திருப்பது எல்லாம் பெரும் சாதனை. விராட் கோலியின் உடல் தகுதியை பார்த்து சொல்கிறேன். அவர் இன்னும் நிறைய போட்டிகளில் விளையாடுவார் எனப் பாராட்டினார்.

Leave a Reply

Your email address will not be published.

vaaitha

நாங்க அதுக்காக அழையுறமா?… ‘வாய்தா’-வுக்கு எதிராக கொந்தளித்த வழக்கறிஞர்கள்!

வாய்தா என்ற திரைப்படத்திற்கு எதிராக வழக்கறிஞர்கள் போராட்டம் நடத்திய சம்பவம் பரபரப்பைக் கிளப்பியுள்ளது….